26 की 27 फेब्रुवारी, आमलकी एकादशी नेमकी कधी? या दिवशी 'हे' एक काम कराच, भगवान विष्णू होतील प्रसन्न!

पंचांगानुसार, फाल्गुन शुक्ल पक्षातील एकादशी तिथी 26 फेब्रुवारी 2026 रोजी दुपारी सुरू होत असून ती 27 फेब्रुवारी 2026 रोजी दुपारी संपणार आहे. हिंदू धर्मात 'उदया तिथी' महत्त्वाची मानली जाते. 27 फेब्रुवारी रोजी सूर्योदयाच्या वेळी एकादशी तिथी असल्याने, शुक्रवार, 27 फेब्रुवारी 2026 रोजी आमलकी एकादशीचे व्रत करणे शास्त्रोक्त ठरेल. एकादशी व्रताचे पारण 28 फेब्रुवारी रोजी सकाळी होईल.

'आमलकी' म्हणजे आवळा. पौराणिक कथेनुसार, जेव्हा भगवान विष्णूंनी सृष्टीच्या निर्मितीसाठी ब्रह्मादेवांना जन्म दिला, तेव्हा विष्णूंच्या डोळ्यातून आनंदाश्रू सांडले आणि त्यातून आवळ्याच्या झाडाची उत्पत्ती झाली. आवळ्याच्या झाडाच्या प्रत्येक भागात देवांचा वास असतो असे मानले जाते. मुळात विष्णू, खोडात ब्रह्मा आणि फांद्यांमध्ये शिव वास करतात. या दिवशी आवळ्याच्या झाडाची पूजा केल्याने व्यक्तीला 100 राजसूय यज्ञांचे फळ मिळते आणि मृत्यूनंतर वैकुंठ प्राप्ती होते, अशी श्रद्धा आहे. म्हणूनच याला 'मोक्षदायिनी एकादशी' असेही म्हणतात.

आवळ्याच्या झाडाची पूजा: या दिवशी आवळ्याच्या झाडाखाली बसून भगवान विष्णूंची पूजा करावी. झाडाला जल अर्पण करून सात वेळा प्रदक्षिणा घालावी.