लग्नसराई सुरू, पण 2 महिने 'शुभ विवाह' नाहीच! शुक्र हस्तानं वाढवलं टेन्शन, आपत्कालिन मुहूर्त कोणते?

शास्त्रानुसार लग्नाचे अधिपती असणारे ग्रह म्हणजे गुरु, शुक्र आणि चंद्र हे ग्रह आहेत. यापैकी शुक्र ग्रहावर सर्वाधिक प्रभाव असतो. म्हणूनच शुक्रावर परिणाम करणाऱ्या स्थितींमध्ये लग्नासारख्या मंगलकार्यांना थांबविणे शास्त्रमान्य आहे.

जोशी गुरुजींनी सांगितल्याप्रमाणे जेव्हा शुक्र ग्रह सूर्याच्या अत्यंत जवळ जातो आणि सूर्याच्या तेजामुळे दृष्टीआड होतो, त्या अवस्थेला शुक्र हस्त म्हणतात. या काळात शुक्र ग्रहाची शुभशक्ती कमी होते. विवाह, उपनयन यांसारखी कार्ये टाळावीत. नवीन नातेसंबंधांच्या आरंभासाठी हा काळ प्रतिकूल मानला जातो. म्हणूनच शुक्र हस्ताच्या कालावधीत पारंपरिक विवाह मुहूर्त दिले जात नाहीत.

सुरूवात : 14 डिसेंबर 2025

15 डिसेंबर, 20 जानेवारी 2026, 23, 24, 25, 26, 28 आणि 29 जानेवारी 2026 या दिवशी आपत्कालीन मुहूर्त आहेत.  डिसेंबर 2025 आणि जानेवारी 2026 हे दोन महिने शुक्र हस्तामुळे पूर्णपणे मुहूर्तविरहित राहणार असले तरी अत्यावश्यक प्रसंगी वरील विशेष दिवस विवाहासाठी विचारात घेता येऊ शकतात, असे जोशी गुरुजींचे स्पष्ट मत आहे.