अनेक दशकांनी आला अनोखा योग, आयुष्यात येईल सुख-समृद्धी, नाशिकच्या महंतांनी काय सांगितलं?

नाशिक - गुरू पुष्य योगाला अमृत योग असेही म्हटले जाते. गुरुवारी पुष्य नक्षत्राचा शुभ संयोग तयार झाला की, गुरु पुष्य योग तयार होतो. यंदा हा योग दिवाळीच्या अगोदर तयार झाला असून 24 ऑक्टोबरला योग्य अनेक वर्षांनी दिवाळीच्या पार्श्वभूमीवर हा गुरू पुष्य योग जुळून आला आहे. या काळात जर तुम्ही काही कामे केली तर तुमच्या जीवनात सुख समृद्धी येते. तुमच्या जीवनातील आर्थिक संकटे दूर होऊन कुटुंबातील सदस्यांची प्रगती होते, अशी माहिती नाशिक येथील महंत अनिकेत शास्त्री यांनी दिली. त्यामुळे ही कामे नेमकी कोणती आहेत, हे आपण जाणून घेऊयात.

लोकल18 शी बोलताना त्यांनी सांगितले की, जेव्हा पुष्य नक्षत्र गुरुवारी येते तेव्हा त्याला गुरु पुष्यामृत योग असे म्हणतात. पुष्य नक्षत्राला सर्व नक्षत्रांचा राजा म्हटले जाते. या नक्षत्रात केलेले कोणतेही कार्य नेहमी शुभ असते. कालाष्टमीच्या दिवशी हा शुभ योग तयार होणे अत्यंत लाभदायक मानला जात आहे. या दिवशी काही खास उपाय केल्याने देवी लक्ष्मीची कृपा प्राप्त होते आणि जीवनात सुख-समृद्धीही निर्माण होते.