24 की 25 फेब्रुवारी, होलाष्टक कधीपासून होणार सुरु? होळीच्या 8 दिवसांपूर्वी चुकूनही करू नका 'ही' 7 काम

होलाष्टक नेहमीच फाल्गुन शुक्ल अष्टमी तिथीला सुरू होतो. होळीच्या अगदी आठ दिवस आधी होलाष्टकला सुरुवात होते. या वर्षी होलिका दहन 2 मार्च रोजी होईल आणि धूलिवंदन म्हणजेच रंगाची होळी 3 मार्च रोजी साजरी केली जाईल. त्यामुळे यावर्षी 24 फेब्रुवारी रोजी होलाष्टक सुरू होत आहे. या आठ दिवसांत घरी कोणतेही शुभ कार्य केले जात नाही.

यामागे दोन प्रमुख कारणे सांगितली जातात. ज्योतिषशास्त्रानुसार, होलाष्टकच्या 8 दिवसांत सूर्य, चंद्र, मंगळ, बुध, गुरू, शुक्र, शनी आणि राहू हे आठही ग्रह क्रमाने अतिशय 'उग्र' स्वरूपात असतात. ग्रहांची ही स्थिती शुभ कार्यासाठी पोषक नसते; अशा काळात केलेले कार्य शुभ फळ देत नाही, अशी मान्यता आहे. पौराणिक कथेनुसार, हिरण्यकश्यपूने होळीपूर्वीच्या या 8 दिवसांत भक्त प्रल्हादाला विष्णू भक्ती सोडण्यासाठी असह्य यातना दिल्या होत्या. हा काळ दुःख आणि कष्टाचा मानला जातो, म्हणून यात आनंदाची शुभ कार्ये केली जात नाहीत.

विवाह संस्कार: या 8 दिवसांत लग्न किंवा साखरपुडा करणे पूर्णपणे निषिद्ध आहे. असे मानले जाते की या काळात लावलेले लग्न टिकण्यात अडचणी येतात.