आयुष्यात हवंय सुख-शांती किंवा पापांपासून हवीये मुक्ती, ज्येष्ठ महिन्यात करा हा अचूक उपाय

पंडित कमलेश व्यास यांनी याबाबत माहिती दिली. लोकल18 शी बोलताना त्यांनी सांगितले की, ज्येष्ठ महिना भगवान विष्णुचा प्रिय महिना मानला जातो. या महिन्यात केलेले दान, स्नान आणि पूजा-पाठ जास्त फळ देतात. ज्येष्ठ महिन्यात गंगा स्नानाचे विशेष महत्त्व आहे. तसेच या महिन्यात करण्यात आलेले व्रत-उपवास यामुळेही व्यक्तीला चांगल्या फळांची प्राप्ती होते.

याशिवाय, नशिबही उजळेल. ज्येष्ठ महिन्यात 6 जूनला अमावस्येच्या दिवशी शनि जयंती असेल. या दिवशी शनिदेवाची पूजेचे विशेष महत्त्व आहे. 11 तारखेला श्रुत पंचमी उपवास, 12 तारखेला अरण्य षष्टी पूजा, 15 तारखेला महेश नवमी, 16 तारखेला गंगा दशहरा आणि बटुक भैरव जयंती साजला केली जाईल. तसेच 18 तारखेला निर्जला एकादशी उपवास आणि 19 जून रोजी प्रदोष व्रतसोबत वटसावित्रीचा उपवास सुरू होईल.

पंडित कमलेश व्यास यांनी लोकल18 शी बोलताना पुढे सांगितले की, या महिन्यात संकटमोचन हनुमानाची भेट प्रभू श्रीराम यांच्यासोबत झाली होती. यासाठी या महिन्यातील मंगळवारी जातकाला शुभ फळाची प्राप्ती होते. सोबतच सर्व प्रकारच्या संकटांपासून सुटका होते.

या वर्षाच्या ज्येष्ठ महिन्याची सुरुवात आज 24 मे पासून होत आहे. तसेच 22 जून रोजी हा महिना संपेल. अशी मान्यता आहे की, या महिन्यात जलदान केल्याने जातकाला सर्व प्रकारच्या पापांपासून मुक्ती मिळते आणि त्याचे आयुष्य सुखी होते. 24 मे रोजी स्नान आणि दानाची वेळ सकाळी सूर्योदयापासून 11 वाजून 40 मिनिटांपर्यंत आहे. यावेळी शुभ मुहूर्तावर व्यक्ती दान करू शकतो.