Nagpanchami : सापाला दूध पाजावं की अर्पण करावं, ते त्याला पचतं का? सर्व प्रश्नांची उत्तरं...

नागपंचमीला सापांची पूजा केल्यानं, त्यांना दूध दिल्यानं नागदेवता प्रसन्न होतात, असं म्हणतात. परंतु सर्पमित्र महादेव पटेल सांगतात की, दूध हा सापांचा आहार नाही. साप उंदीर, बेडूक किंवा इतर लहान जीव खातो. दूध त्याला पचत नाही. उलट दुधामुळे सापाचं नुकसान होऊ शकतं. ज्याचं पाप आपल्या डोक्यावर चढू शकतं.

ज्योतिषी पंडित पंकज मेहता यांनी सांगितलं की, नागपंचमी सणाला धार्मिक महत्त्व आहे. पुराणांमध्ये नागदेवतेची पूजा आणि दूध अर्पण करण्याबाबत सांगण्यात आलंय. मात्र हे प्रतीकात्मक आहे. ज्याप्रकारे आपण महादेवांना दुग्धाभिषेक करतो, तसाच दुधाचा अभिषेक नागपंचमीला नागदेवतेला करणं आवश्यक आहे. या पूजेचा उद्देश नागदेवतेप्रति आदर व्यक्त करणं हा आहे. त्यामुळे नागदेवतांची रांगोळी काढून त्यांची पूजा करावी. त्यांच्या धातूच्या मूर्तीला दुग्धाभिषेक करावा, असा सल्ला दिला जातो. मात्र खऱ्याखुऱ्या सापाजवळ जाऊ नये, ते घातक ठरू शकतं.