Mahabharat : महाभारताशी जोडलेला आहे रक्षाबंधनचा 'धागा', कृष्णाने प्रत्येक धाग्याचं फेडलं होतं ऋण

जेव्हा भगवान श्रीकृष्णाचं बोट सुदर्शन चक्राने कापलं तेव्हा रक्त वाहू लागलं. हे पाहून द्रौपदीने तिच्या साडीचा छोटासा भाग फाडला आणि तो  तो त्याच्या बोटावर बांधला. त्यानंतर कृष्णाने वचन दिलं की तो प्रत्येक धाग्याचं ऋण फेडेल. असं म्हणतात की हा दिवस श्रावण महिन्यातील पौर्णिमेचा दिवसदेखील होता. नंतर जेव्हा कौरवांनी भरसभेत द्रौपदीचं वस्त्रहरण केलं तेव्हा श्रीकृष्णाने द्रौपदीची साडी आपल्या लीलेने इतकी लांब केली की कौरवांना पराभव स्वीकारावा लागला.

तसं रक्षाबंधनाशी संबंधित आणखी एक उल्लेख महाभारतातच आढळतो. असं म्हटलं जातं की महाभारत युद्ध जिंकण्यात राखीने मोठी भूमिका बजावली. महाभारत युद्धादरम्यान युधिष्ठिरने भगवान श्रीकृष्णाला विचारलं की ते सर्व संकटांवर कसं मात करू शकतात. कृष्णाने त्यांना आणि त्यांच्या सैन्याला रक्षा धागा बांधण्यास सांगितलं. ही घटनाही श्रावण महिन्याच्या पौर्णिमेच्या दिवशी घडली असं सांगितलं जातं. तेव्हापासून या दिवशी पवित्र रक्षासूत्र बांधलं जातं.