मूलबाळ होत नसेल तर केला जातो नवस, मराठवाड्यातील सक्रोबा पूजा माहितीये का?

जालना: आपल्या महाराष्ट्रासह संपूर्ण देशात वेगवेगळ्या प्रथा परंपरा पाहायला मिळतात. नागपंचमी झाल्यानंतर महाराष्ट्रातील ग्रामीण भागामध्ये सक्रोबा करण्याची परंपरा वर्षानुवर्षे कायम आहे. मराठवाड्यातील प्रत्येक गावामध्ये नागपंचमीच्या दुसऱ्या दिवशी माती पासून सक्रोबा केला जातो. सक्रोबा तयार झाल्यानंतर ग्रामीण भागातील महिला सक्रोबा भोवती गोल रिंगण करून पारंपारिक गीते गातात. अतिशय श्रवणीय असलेली ही गीते मोठ्या उत्साहात या महिला गात असतात. अबाल वृद्धांपासून ते लहानगे आणि तरुणी देखील या उत्साहात सहभागी होतात.