करवीर निवासिनी अंबाबाई महिषासुरमर्दिनीच्या रुपात, पाहा अष्टमीची खास पूजा, Video

प्राचीन काळी देव आणि असुर यांच्यात 100 वर्षे घनघोर युद्ध झाले, असुर प्रमुख महिषासुराने देवांचा राजा इंद्र, याचा पराभव करून त्यांचे राज्य जिंकले. त्याने सूर्य, अग्नि, चंद्र, यम, वरूण या सर्वांचे अधिकार काढून घेऊन तो स्वतःच सर्वाचा अधिष्ठाता झाला. सर्व पराभूत देव ब्रह्मदेवाला घेऊन, भगवान शंकर आणि विष्णू यांच्याकडे गेले. त्यांनी सर्व वृत्तांत कथन केला; त्यावेळी सर्व देवांच्या शरीरातून तेज बाहेर पडले. ते सर्व तेज एकत्र होऊन एका स्त्री देवतेच्या रुपात प्रगट झाले. या देवीला पाहून देवांनी तिचा जयजयकार केला. विविध देवांनी आपल्याकडील शस्त्रे देवीला दिली, अशी आख्यायिका सांगितली जाते.