Palmistry: तुमच्याही तळहातावर आहे का तीळ? नोकरी आणि पैशांच्या बाबतीत होतात अशा गोष्टी

शुक्र पर्वतावर तीळ ज्योतिषशास्त्रानुसार शुक्र पर्वतावर तीळ असणे शुभ मानले जात नाही. ज्यांच्या तळहातावर शुक्र पर्वतावर तीळ आहे त्यांना वैवाहिक जीवनात अडचणींचा सामना करावा लागतो. जोडीदारासोबत छोट्या-छोट्या गोष्टींवरून वाद होतात. यासोबतच तुम्हाला सरकारी बाबी आणि नोकरीमध्ये अडचणी येऊ शकतात. मधल्या बोटावर तीळ ज्योतिषशास्त्राच्या दृष्टीने मधल्या बोटावरील तीळ खूप शुभ मानले जाते. असे असणे म्हणजे तुम्ही खूप भाग्यवान आहात. मधल्या बोटावरील तीळ जीवनात कधीही सुख आणि संपत्तीची कमतरता आणत नाही.

चंद्र पर्वतावर तीळ ज्यांच्या तळहातावर चंद्र पर्वतावर तिळाचे चिन्ह असते, त्यांचे मन अस्थिर आणि चंचल राहते. अशा लोकांना जीवनात अनेक समस्यांना सामोरे जावे लागू शकते. यासोबतच हे लोक प्रेमातही अपयशी ठरतात.

गुरु पर्वतावर तीळ हस्तरेषाशास्त्रानुसार ज्यांच्या तळहातावर गुरू पर्वतावर तीळ आहे, अशा लोकांना जीवनात भरपूर संपत्ती मिळते. अशा लोकांना जीवनात कधीही संपत्ती आणि ऐश्वर्याची कमतरता भासत नाही.

(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)