Ram Mandir : दिव्यांग मुलांनी साकारली राम मंदिराची हुबेहूब प्रतिकृती; तुम्हीही पाहून कराल कौतुक

पुणे : दिव्यांग म्हंटल की त्यांच्याकडे एका वेगळ्या नजरेने पाहिले जाते. या मुलांना किंवा व्यक्तींना समाजाच्या मुख्य प्रवाहात आणण्यासाठी अनेक सामाजिक उपक्रम हे नेहमीच वेगवेगळ्या स्तरावर राबवले जातात. पुण्यात दिव्यांग मुलांसाठी अब नॉर्मल होम संस्था गेली 12 वर्ष झालं काम करत आहे. दिव्यांग मुलांना मुख्य प्रवाहात आणून त्यांना देखील त्या गोष्टी कळाल्या पाहिजे यासाठी नेहमी वेगवगेळे उपक्रम ही संस्था राबत असते. अब नॉर्मल या संस्थेत शिकणाऱ्या मुलांनी यावर्षी राम मंदिराची हुबेहूब प्रतिकृती साकार केली आहे. ते गेली दीड ते दोन महिने हे मंदिर बनवण्याच काम करत होते.