Ram Mandir: रामलल्लाची मूर्ती घडवण्यासाठी काळा पाषाण वापरण्याचं कारण काय?

नवी दिल्ली, 20 जानेवारी :  अयोध्येतील श्रीराम मंदिराच्या गाभाऱ्यात रामलल्लाची मूर्ती आणल्यानंतर या मूर्तीचे फोटो वेगानं व्हायरल होत आहेत. कोट्यवधी भाविक या मूर्तीला वंदन करीत आहेत. रामलल्लाच्या या मूर्तीची 22 जानेवारी 2024 ला पंतप्रधान नरेंद्र मोदी यांच्या हस्ते विधिवत प्राणप्रतिष्ठा करण्यात येईल. पण रामलल्लाची ही मूर्ती तयार करण्यासाठी वापरण्यात आलेल्या काळ्या पाषाणाबद्दल म्हणजेच कृष्णशिलेबद्दल फार कमी लोकांना माहिती आहे. ही मूर्ती तयार करणारे मूर्तीकार अरुण योगीराज यांच्या पत्नी विजेता योगीराज यांनी सांगितलं की, 'रामलल्लाची मूर्ती घडवण्यासाठी कृष्णशिलेचा वापर करण्यामागे एक विशेष कारण आहे. कृष्णशिलेमध्ये असे गुण आहेत की जेव्हा तुम्ही अभिषेक करता, म्हणजेच मूर्तीला दूध अर्पण करता तेव्हा तुम्ही त्या दुधाचं सेवन करू शकता. ते दूध प्यायल्यानंतर त्याचा आरोग्यावर कोणताही विपरित परिणाम होत नाही.