उद्या रामनवमी! फक्त 51 मिनिटांचा सुवर्ण मुहूर्त, करू नका 'ही' चूक; अन्यथा होईल मोठं नुकसान

यंदा रामनवमीला अनेक शुभ योग जुळून येत आहेत. नवमी तिथी 26 मार्च रोजी सकाळी 11:48 ला सुरू होत असली, तरी रामलल्लाचा जन्म दुपारी 12:25 च्या सुमारास झाला होता. पूजेचा मध्यान्ह मुहूर्त दुपारी 11:13 ते 01:41 पर्यंत असेल. तर 51 मिनिटांचा सुवर्ण काळ दुपारी 12:00 ते 12:51 हा काळ 'अमृत' मुहूर्तासारखा असून याच 51 मिनिटांत राम जन्माचा सोहळा, पाळणा आणि आरती करणे सर्वाधिक फलदायी मानले गेले आहे. या 51 मिनिटांत 'राम रक्षा स्तोत्र' किंवा 'विष्णू सहस्रनामाचा' पाठ केल्याने घरातील नकारात्मक ऊर्जा नष्ट होऊन सुख-समृद्धीचा वास होतो.

रामनवमीच्या दिवशी काही गोष्टी कटाक्षाने टाळणे आवश्यक आहे, अन्यथा व्रताचे पूर्ण पुण्य मिळत नाही. राम जन्माचा सोहळा दुपारी 12:25 च्या सुमारास होतो. अनेकांना सवय असते की ते सोयीनुसार संध्याकाळी पूजा करतात, पण जन्मोत्सवाची मुख्य पूजा मध्यान्ह काळातच करणे अनिवार्य आहे. हा दिवस आनंदाचा आहे. घरात कोणाशीही भांडण, वादविवाद किंवा अपशब्द वापरू नका. मानसिक शांतता भंग पावल्यास पूजेचे फळ मिळत नाही. या दिवशी चुकूनही लसूण, कांदा किंवा मांसाहाराचे सेवन करू नका. केवळ सात्विक आहार किंवा फलाहार घ्यावा. प्रभू रामाला तुळस अत्यंत प्रिय आहे. मात्र, या दिवशी झाडावरून तुळशीची पाने तोडू नका.

तुमच्या जीवनातील संकटे दूर करण्यासाठी उद्याच्या मुहूर्तावर खालील गोष्टी नक्की करा.