महाराष्ट्रातील प्रसिद्ध मंदिर, जिथं महिला फक्त वर्षातून एकदाच घेतात दर्शन

यंदा रथोत्सव 18 नोव्हेंबरला आहे. तर या कार्यक्रमाचा सप्ताह 11 नोव्हेंबर पासून सुरू होणार आहे. येथील एक विशेष म्हणजे या मंदिरात महिलांना प्रवेश दिला जात नाही. फक्त वर्षातून 1 दिवस महिला दर्शन घेऊ शकतात, त्याचा सुद्धा एक कालावधी असतो. या वर्षी 15 नोव्हेंबरला रात्री 9.55 मिनिटापासून ते मध्यरात्री 2.58 मिनिटापर्यंत महिला दर्शन घेऊ शकतात, असे दुधे यांनी सांगितलं.

कार्तिकी स्वामी मंदिरात महिलांना दर्शनासाठी का बंदी असते? याबाबत एक आख्यायिका सांगितली जाते. कार्तिक स्वामींचे जेव्हा व्रत सुरू होते. तेव्हा त्यांची आई त्यांच्या जवळ गेल्याने व्रताचा भंग झाला. त्यामुळे कार्तिक स्वामी खूप चिडले आणि त्यांनी आईला सांगितले आजपासून कोणत्याही महिलेने माझ्या समोर येऊ नये. ते अती क्रोधात असल्याने त्यांच्या आईला त्यांचे म्हणणे ऐकावे लागले. तेव्हापासून कार्तिक स्वामी महिलांपासून अलिप्त राहत होते. आता सुद्धा कार्तिक स्वामींच्या मंदिरात महिलांना प्रवेश नाही, महिला जात सुद्धा नाहीत, असंही मंदिराचे व्यवस्थापक सांगतात.