Ashadhi wari : माऊलींची पालखी विठोबा मंदिरात मुक्कामाला, दर्शनासाठी भाविकांची मोठी रिघ

मंदिरापासून 50 मीटरवर एक निवासस्थान केवळ वारकऱ्यांसाठी बांधलेले आहे. चार मजली या निवासस्थानात राम मंदिर आहे आणि पुढे सभागृह असून येथे वारकऱ्यांच्या निवासाची सोय केली आहे. माऊलींची पालखी मुक्कामाला आली की या ठिकाणी पादुकांचे, माऊलीच्या अश्वांचे स्वागत केले जाते. आरती करून दही- भाताचा नैवेद्य दाखवला जातो, यालाच माऊलींची दृष्ट काढणे असेही म्हणतात. पहाटे पंचामृताचा अभिषेक होतो, दुपारी मुख्य नैवेद्य झाला की मंदिर संस्थानचा पुरणपोळीचा नैवेद्य दाखविला जातो. रात्री भजन-जागर असतो, अशा विविध कार्यक्रम आयोजन हे मंदिराच्या वतीने केलं जातं, अशी माहिती मंदिराचे विश्वस्त प्रमोद बेंगरूट यांनी दिली आहे.