हुबेहुब केदारनाथ, महाराष्ट्रात इथं आहे दीड हजार वर्षांपूर्वीचं केदारेश्वर मंदिर, Video

काळ्या पाषाणापासून बांधलेले केदारेश्वर मंदिर स्थापत्यकलेचा उत्तम नमुना आहे. शेकडो वर्षांचे हे मंदिर आजही दिमाखदारपणे उभे आहे. मंदिराची उभारणी करताना खास तंत्राचा वापर करण्यात आला आहे. आतील भागात खांबांवर नक्षीकाम आहे. परिसरात विस्तीर्ण जलकुंड आहे. त्यामध्ये भुयारही आहे. या जलकुंडाला मुबलक पाणी आहे. मंदिराच्या परिसरात शितला माता, नाग मंदिर, काल भैरव, मारूती, शनिमंदिर, अंबिका माता आणि काशिनाथ महाराजांचे मंदिर आहे.

अमावस्या आणि पौर्णिमेला विशेष अन्नदान करण्यात येते. दररोज 150 व्यक्तींच्या भोजनाची व्यवस्था करण्यात येते. श्रावण, शिवरात्री, काशिकर महाराज पुण्यतिथी, गरुपौर्णिमा, हरिहर भेट, संक्रांत दीपमाला हे उपक्रम राबविण्यात येतात. पुजारी राजीव गिरी यांची सातवी पिढी सध्या या ठिकाणी सेवा देत आहे. सध्या बऱ्याच वर्षांनी मंदिरात विकास कामे केली जात आहेत. या मंदिरात दर्शनासाठी यवतमाळच्या बाहेरील जिल्ह्यातून देखील नागरिक आवर्जून येतात.