दोन मजले आणि 7 कमानी, महाराष्ट्रातील ऐतिहासिक बाजीराव विहीर पाहिलीत का?

बाजीराव विहिरीला एकूण सात कमानी आहेत. त्यामुळे सात कमानीची विहीर म्हणूनही विहिरीची ओळख आहे. विहिरीच्या मुख्य कमानीवर राज चिन्ह, दोन शरफ शिल्प आणि थोरले शाहू महाराज म्हणजे छत्रपती संभाजी महाराजांचे पुत्र यांचे शिल्प कोरलेले आहे. महाराष्ट्रातील सर्वात मोठ्या विहिरींमध्ये बाजीराव पेशव्यांची विहीर ही तिसऱ्या क्रमांकावर येते. सध्या या विहिरीची मालकी छत्रपतींचे थेट तेरावे वंशज छत्रपती उदयनराजे भोसले आणि छत्रपती कल्पनाराजे भोसले यांच्याकडे आहे.