Vastu Tips: जागा असली तरी जिन्या खाली ठेवू नये या वस्तू; वास्तूदोषांचा त्रास सोसावा लागेल

अलिकडे प्रत्येक व्यक्ती वास्तुशास्त्रानुसार घर बांधून घेतो. वास्तूच्या नियमांचे पालन करून कोणत्या दिशेला काय ठेवणे योग्य आहे, या गोष्टींवर विशेष लक्ष दिले जाते. घराचा जिना किंवा पायऱ्यांबाबत वास्तुशास्त्रात अनेक नियम आहेत. याबद्दल ज्योतिषी आणि वास्तु सल्लागार.कृष्णकांत शर्मा यांनी दिलेली माहिती जाणून घेऊया.

घरा जिना दिशेला असावा - वास्तुशास्त्रानुसार घराचा जिना नैऋत्य दिशेला असणे शुभ मानले जाते. यामुळे घरात सुख, समृद्धी आणि ऐश्वर्य टिकून राहते. घराच्या मध्यवर्ती भागाला ब्रह्मदेवाचे स्थान मानले जाते, त्यामुळे मध्यभागी पायऱ्या नसल्या पाहिजेत. घराची उत्तर-पूर्व दिशा देखील पायऱ्यांसाठी योग्य मानली जात नाही. याशिवाय घराच्या ईशान्य दिशेला जिने बनवणे टाळावे. ईशान्य कोपर्‍यात जिना बनवल्यास घरात समस्या वाढू लागतात.

जिन्याखाली काय ठेवू नये - जिन्या खाली जागा राहत असल्यामुळे आपण अनेक वस्तू तिथे ठेवतो, पण असे करू नये. जिन्याखाली अग्निशी संबंधित कोणतीही वस्तू ठेवू नका. स्वयंपाकघर आणि देव्हारा देखील जिन्याखाली बांधू नये. यामुळे घरात नकारात्मक ऊर्जेचा संचार वाढतो. जिन्याखाली शूज आणि चप्पल ठेवणेही टाळावे. त्यामुळे मुलांच्या तब्येतीत बरेच चढ-उतार होत राहतात. याशिवाय घरमालकाच्या आयुष्यातही अनेक समस्या येतात. जिन्या खाली कुंड्यांमध्ये रोपे लावू शकता.

जिना कसा असावा - पायऱ्या आपल्या सर्वांना पुढे जाण्याचा संदेश देतात. त्यामुळे घरातील जिन्याच्या पायऱ्या रुंद असाव्यात आणि त्यावर पुरेसा प्रकाश असावा. जिन्याच्या दोन्ही बाजूंना दरवाजे असावेत.

पायऱ्यांची संख्या विषम ठेवा- घरातील पायऱ्या नेहमी विषम अंकात 7, 9, 11, 15, 17, 19 आणि 21 असाव्यात. जर घरात 17 पायऱ्या असतील तर ते खूप शुभ मानले जाते. विषम पायऱ्या घरात आनंद आणतात. यासोबतच घराच्या मालकाचा विकास आणि समृद्धी होण्यास मदत होते.

(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)