आषाढी एकादशीला देवशयनी एकादशी का म्हणतात? अनेकांना माहिती नसेल, हे आहे विशेष कारण

भगवान शंकर यांनी प्रसन्न होत मृदुमान्य नावाच्या राक्षसाला इतर कोणाच्या हातून न मरता केवळ एका स्त्रीच्या हातून तुझा मृत्यू होईल, असा वर दिला होता. या वरामुळे मृदुमान्य हा राक्षस खूपच उन्मत्त झाला आणि त्याने आपल्याला कोणतीही स्त्री मारू शकत नाही, असा मनात विश्वास ठेवत देवांवर आक्रमण केले. यावेळी शंकराकडे अन्य देवांनी मदतीसाठी धावा केला. पण वर दिल्यामुळे शंकर भगवान यांनाही काहीही करता येत नव्हते. त्याचवेळी देवाच्या श्वासातून एक देवी निर्माण झाली आणि तिने मृदुमान्य राक्षसाला ठार केले.

यंदा 17 जुलै रोजी आषाढी एकादशी साजरी होणार आहे. एकादशी तिथी 16 जुलै रोजी रात्री 8.33 वाजता सुरू होईल आणि 17 जुलै रोजी रात्री 9.02 वाजता समाप्त होईल.