IPL 2026 : शाहरुखने साथ सोडली अन् इकडं केकेआरच्या पोस्टर बॉयची अचानक निवृत्ती! म्हणाला 'मी घर सोडत नाहीये...'

आयपीएल 2026 च्या लिलावापूर्वी, कोलकाता नाईट रायडर्सने फक्त 12 खेळाडूंना कायम ठेवले. सर्वात आश्चर्यकारक गोष्ट म्हणजे केकेआरचा पोस्टर बॉय म्हणून ओळखल्या जाणाऱ्या आंद्रे रसेलचा समावेश करण्यात आला नाही. आयपीएलमधून निवृत्तीची घोषणा करताना, आंद्रे रसेलने केकेआरसोबतच्या त्यांच्या काही संस्मरणीय क्षणांचा व्हिडिओ शेअर केला. त्याने आयपीएल 2026 मध्ये केकेआरसाठी एक नवीन भूमिका साकारणार असल्याचंही जाहीर केलंय.

आंद्रे रसेलने लिहिले, आयपीएलमधून निवृत्त होत आहे, पण माझा लूक सोडत नाही. 12 हंगामांच्या आठवणी आणि केकेआर कुटुंबाकडून भरपूर प्रेम असलेली ही एक उत्तम आयपीएल कारकीर्द आहे. मी जगभरातील इतर क्रिकेट लीगमध्ये सिक्स मारत राहीन आणि विकेट घेत राहीन आणि सर्वात चांगली गोष्ट म्हणजे मी घर सोडत नाहीये. 2026 मध्ये तुम्ही मला केकेआर सपोर्ट स्टाफमध्ये पॉवर कोच म्हणून एका नवीन भूमिकेत पहाल, असं आंद्रे रसलने म्हटलं आहे.