IND vs NZ : विकेट हर्षितची, पण चर्चा गंभीरच्या रिएक्शनची... खतरनाक बॉलने उखडला कॉनवेचा स्टंप, Video

राजकोट : टीम इंडियाचा फास्ट बॉलर हर्षित राणा कोच गौतम गंभीरचा फेवरेट असल्याचं वारंवार बोललं जातं. हर्षित राणावर सोशल मीडियावरून मोठ्या प्रमाणावर टीका झाल्यानंतर स्वत: गौतम गंभीर समोर आला आणि त्याचा बचाव केला. भारताकडून तिन्ही फॉरमॅटमध्ये खेळणारा हर्षित राणा जेव्हा विकेट घेतो, तेव्हा कॅमेरा सगळ्यात आधी कोच गौतम गंभीरच्या दिशेने जातो. न्यूझीलंडविरुद्धच्या दुसऱ्या वनडेमध्ये हर्षित राणाने जेव्हा डेवॉन कॉनवेला बोल्ड केलं, तेव्हाही कॅमेरामध्ये ड्रेसिंग रूममध्ये बसलेला गौतम गंभीर दाखवला गेला. हर्षितने विकेट घेतल्यानंतर गंभीरने दिलेली रिएक्शन पाहण्यासारखी होती.