Hardik Pandya : मॅचच्या तिसऱ्याच बॉलला मैदानात ड्रामा, बोटं मोडणाऱ्यांना हार्दिकने केलं गपगार, Video

गुवाहाटी : भारत आणि न्यूझीलंड यांच्यातल्या टी-20 सीरिजच्या तिसऱ्या सामन्यात मैदानात मोठा ड्रामा पाहायला मिळाला. या सामन्यात टीम इंडियाचा कर्णधार सूर्यकुमार यादव याने टॉस जिंकून पहिले बॉलिंगचा निर्णय घेतला. सीरिजमध्ये 2-0 ने आघाडीवर असणाऱ्या भारताने टीममध्ये 2 बदल केले. वरुण चक्रवर्ती आणि अर्शदीप सिंग यांना या सामन्यासाठी विश्रांती देण्यात आली, त्यांच्याऐवजी रवी बिष्णोई आणि जसप्रीत बुमराह यांचा टीममध्ये समावेश करण्यात आला. दुसऱ्या टी-20 सामन्यात बुमराहला विश्रांती देण्यात आली होती, तर रवी बिष्णोईचा सीरिजमधला हा पहिलाच सामना आहे.