Sahibzada Farhan : 32 तासांची फिल्म बनवणार होते, पांड्याने चार मिनिटात विषय संपवला! पाहा प्रेमदासा स्टेडियममधील Video

एखाद्याची अपेक्षा किती बारक्या असतात, याची प्रचिती तुम्हाला पाकिस्तानकडे पाहिल्यावर समजेल. पाकिस्तानचा सलामीवीर फलंदाज साहिबजादा फरहान याने मागील आशिया कपमध्ये बुमराहला दोन सिक्स काय मारले, त्याने थेट डॉक्युमेंन्ट्री बनवली होती. पाकिस्तानमध्येच नव्हे तर संपूर्ण जगात या डॉक्युमेंन्ट्रीचं हसू झालं. पण पाकिस्तानने ही डॉक्युमेंन्ट्री अभिमानाने मिरवली. अशातच कालच्या मॅचमध्ये बुमराहला मारून 32 तासांची फिल्म तयार करण्याची पाकिस्तानच्या इच्छेवर पांड्याने चार मिनिटात पाणी फिरवलं. साहिबजादा फरहानची विकेट पाकिस्तानला धक्का होता.

पाकिस्तानसमोर 176 धावांचं आव्हान असताना पहिल्याच ओव्हरमध्ये पांड्याला बॉलिंग देण्यात आली. पांड्याने आपल्या लाईन आणि लेंथवर फोकस करत साहिबजादा फरहानची विकेट काढली. चौथ्याच बॉलवर साहिबजादा फरहानला माघारी फिरावं लागलं. त्यामुळे 32 तासांची फिल्म तयार करण्याची इच्छा बाळगणाऱ्या पाकिस्तानची मोठी फजिती झाल्याचं दिसून आलं.

दरम्यान, टॉस जिंकून पहिल्यांदा बॉलिंग करण्याच्या निर्णयावरही सलमानने स्पष्टीकरण दिलं की, पहिल्या डावात पीच थोडी चिकट होती आणि बॉल पकड घेत होता. मात्र, भारताने त्या परिस्थितीतही चांगली धावसंख्या उभारली, असं म्हणत सलमानने भारतीय बॅटर्सला विजयाचं क्रेडिट दिलं. यावेळी सलमान साहिबजादा फरहानवर नाराज असल्याचं दिसून आलं.