ASIA CUP : पुन्हा पाकड्यांना लोळवण्याची संधी! 'इंडिया vs पाकिस्तान'मध्ये महामुकाबला, 'या' तारखेला दुबईतच भिडणार

पाकिस्तानने दोन मॅचमध्ये एक विजय आणि एक पराभव पत्करला आहे. दोन पॉईंट्ससह ते सध्या 'ग्रुप ए' मध्ये दुसऱ्या स्थानावर आहेत. नेट रन रेटच्या आधारावर ते यूएईच्या (दोन पॉईंट्स) पुढे आहेत, पण या मॅचमध्ये एकही चूक त्यांना स्पर्धेतून बाहेर करू शकते. पाकिस्तानने यूएईविरुद्ध विजय मिळवला तर ते सुपर फोरमध्ये स्थान निश्चित करतील. भारताने आधीच या ग्रुपमधून पुढील फेरीसाठी पात्रता मिळवली आहे. जर पाकिस्तान पात्र ठरला, तर या दोन्ही संघांची टक्कर पुन्हा एकदा 21 सप्टेंबर म्हणजेच रविवारी दुबईमध्ये होईल.

दरम्यान, भारत आणि पाकिस्तान यांच्यात झालेल्या मागील मॅचमध्ये, पाकिस्तानी फलंदाजांना स्पिनर्सविरुद्ध संघर्ष करावा लागला होता, तर भारतीय बॅटर्सनी पाकिस्तानी बॉलर्सची जोरदार धुलाई केली होती. त्यामुळे पाकिस्तानला पुन्हा भारतासोबत खेळायचं असेल तर पुन्हा तयारी करावी लागणार आहे, नाहीतर टीम इंडिया पुन्हा सहजरित्या पाकिस्तानला खेळ खल्लास करेल, यात कोणतीही शंका नाही.

पाकिस्तानचा स्कॉड : सलमान अली आगा (Captain), अबरार अहमद, फहीम अशरफ, फखर जमान, हारिस रऊफ, हसन अली, हसन नवाज, हुसैन तलत, खुशदिल शाह, मोहम्मद हारिस, मोहम्मद नवाज, मोहम्मद वसीम जूनियर, साहिबजादा फरहान, सईम अयूब, सलमान मिर्जा, शाहीन अफरीदी, सुफयान मोकिम.

टीम इंडियाचा स्कॉड : सूर्यकुमार यादव (Captain), शुभमन गिल, अभिषेक शर्मा, तिलक वर्मा, हार्दिक पांड्या, शिवम दुबे, अक्षर पटेल, जितेश शर्मा, जसप्रीत बुमराह, वरूण चक्रवर्ती, अर्शदीप सिंग, कुलदीप यादव, संजू सॅमसन, हर्षित राणा, रिंकू सिंग.