Trending:

IPL 2025 : एका वर्षात हिरो ते झिरो, शेवटच्या सामन्यातही शाहरुखच्या KKR चा लाजिरवाणा विक्रम

Published by:Shreyas Deshpande

Last Updated:May 26, 2025 12:01 AM IST

आयपीएल 2024 ची ट्रॉफी जिंकणारी शाहरुख खानची केकेआर एका वर्षात हिरोची झिरो झाली आहे. मागच्या मोसमातल्या या चॅम्पियन टीमला यंदा प्ले-ऑफमध्येही प्रवेश करता आला नाही.

एका वर्षात हिरो ते झिरो, शेवटच्या सामन्यातही शाहरुखच्या KKR चा लाजिरवाणा विक्रम

दिल्ली : आयपीएल 2024 ची ट्रॉफी जिंकणारी शाहरुख खानची केकेआर एका वर्षात हिरोची झिरो झाली आहे. मागच्या मोसमातल्या या चॅम्पियन टीमला यंदा प्ले-ऑफमध्येही प्रवेश करता आला नाही. मोसमातल्या शेवटच्या सामन्यातही केकेआरच्या नावावर लाजिरवाणा विक्रम झाला आहे. हैदराबादविरुद्धच्या सामन्यात केकेआरचा 110 रननी पराभव झाला आहे. आयपीएल इतिहासातला केकेआरचा हा सगळ्यात मोठा पराभव आहे. हैदराबादने दिलेलं 279 रनचं आव्हान पार करण्यासाठी आलेल्या केकेआरचा 18.4 ओव्हरमध्ये 168 रनवर ऑलआऊट झाला आहे. केकेआरकडून मनीष पांडेने सर्वाधिक 37 रन केले, तर नवव्या क्रमांकावर बॅटिंगला आलेल्या हर्षीत राणाने 34 रन केले. हैदराबादकडून जयदेव उनाडकट, इशान मलिंगा आणि हर्ष दुबे यांना प्रत्येकी 3-3 विकेट घेतल्या

या सामन्यात सनरायजर्स हैदराबादचा कर्णधार पॅट कमिन्सने टॉस जिंकून पहिले बॅटिंगचा निर्णय घेतला, यानंतर हैदराबादने 20 ओव्हरमध्ये 3 विकेट घेऊन तब्बल 278 रन केले. हेनरिक क्सासेनने 39 बॉलमध्ये 105 रन केले, यामध्ये 9 सिक्स आणि 7 फोरचा समावेश होता. तर ट्रेविस हेडने 40 बॉलमध्ये 76 रन केले, अभिषेक शर्माने 16 बॉल 32 रन करून हैदराबादला जलद सुरूवात करून दिली. केकेआरकडून सुनिल नरेनने 2 आणि वैभव अरोराने 1 विकेट घेतली.

केकेआर आणि सनरायजर्स हैदराबाद या दोन टीम मागच्या आयपीएलची फायनल खेळल्या होत्या, पण दोन्ही टीमना यंदा प्ले-ऑफमध्येही क्वालिफाय होता आलेलं नाही. हैदराबादने 14 पैकी 6 सामने जिंकले तर 7 सामन्यांमध्ये त्यांचा पराभव झाला आणि त्यांचा एक सामना पावसामुळे रद्द झाला, त्यामुळे 13 पॉईंट्ससह हैदराबाद सहाव्या क्रमांकावर राहिली. तर केकेआरने या मोसमात 14 सामन्यांमध्ये 5 विजय मिळवले आणि 7 सामन्यांमध्ये त्यांचा पराभव झाला, याशिवाय त्यांचे 2 सामने पावसाने रद्द झाले, त्यामुळे 12 पॉईंट्ससह केकेआर आठव्या क्रमांकावर राहिली.

Location :

Delhi

First Published :

May 25, 2025 11:53 PM IST

IPL 2025 : एका वर्षात हिरो ते झिरो, शेवटच्या सामन्यातही शाहरुखच्या KKR चा लाजिरवाणा विक्रम