IPL 2026 : ना पुणे, ना नवी मुंबई... दोन होम ग्राऊंडवर खेळणार RCB, आयपीएलआधी नवा ट्विस्ट!

मुंबई : भारतामध्ये टी-20 वर्ल्ड कप सुरू असतानाच आयपीएल 2026 च्या तयारीलाही सुरूवात झाली आहे. विराट कोहलीची आरसीबी त्यांच्या होम मॅच कुठे खेळणार? याचा सस्पेन्सही अखेर संपला आहे. 28 मार्चपासून आयपीएल 2026 ला सुरूवात होत आहे. चिन्नास्वामी स्टेडियमला एनओसी मिळत नसल्यामुळे आरसीबीने पुण्यातील गहुंजे स्टेडियम आणि नवी मुंबईच्या डी.वाय.पाटील स्टेडियममध्ये त्यांच्या होम मॅचचं आयोजन करण्याची तयारी सुरू केली होती, पण आता आरसीबीचे सामने नवी मुंबई आणि पुण्यात होणार नाहीत, हे स्पष्ट झालं आहे. आयपीएल 2026 मध्ये आरसीबी दोन होम ग्राऊंडवर त्यांच्या मॅच खेळणार आहे.