संजू सॅमसन IPL मध्ये कुणाकडून खेळणार? एका Photo ने उडवली राजस्थानची झोप

मुंबई : आयपीएल 2026 मध्ये संजू सॅमसन राजस्थान रॉयल्सकडून खेळू इच्छित नसल्याचं वृत्त आयपीएल 2025 संपताच समोर आलं होतं, याबाबत संजूने राजस्थानसोबत चर्चा केली असल्याचंही बोललं गेलं. आता आयपीएल 2026 साठी सर्व टीमकडून तयारीला सुरूवात झाली आहे. 15 डिसेंबरच्या आसपास आयपीएल 2026 साठीचा लिलाव आहे, यासाठी 15 नोव्हेंबरपर्यंत टीमना त्यांनी रिटेन केलेले खेळाडू आणि रिलीज केलेल्या खेळाडूंची यादी सादर करावी लागण्याची शक्यता आहे, त्यामुळे येत्या काही दिवसात संजू राजस्थानकडून खेळणार का नाही? याचा सस्पेन्स संपणार आहे.