Sachin Tendulkar : क्रिकेटचा देव संकटात! वादळी वारा अन् विमानाचं दोन वेळा लँडिंग फसलं, Video शेअर करत सांगितली आपबिती!
- Published by:Saurabh Talekar
Last Updated:
Sachin Tendulkar Viral Video :आम्ही लँडिंग स्ट्रिपपासून फक्त दोन मैल दूर होतो, पण खराब हवामानामुळे आम्ही उतरू शकलो नाही, असं सचिन व्हिडीओमध्ये म्हणताना दिसतोय.
Sachin Tendulkar Share thriller experience : क्रिकेटचा देव मानला जाणाऱ्या सचिन तेंडुलकरला नुकताच क्रिकेट स्टेडियमपासून दूर, केनियातील मासाई माराच्या घनदाट जंगलात एका अनपेक्षित संकटाचा सामना करावा लागला. अचानक आलेल्या वादळामुळे त्याच्या विमानाला इमर्जन्सी लँडिंग करावे लागले. या घटनेचा व्हिडिओ सचिनने आपल्या इन्स्टाग्राम अकाउंटवर शेअर करत, "जंगल तुमचे स्वागत नेहमीच खास पद्धतीने करते!" असे कॅप्शन दिले आहे. मासाई मारा हे ठिकाण त्याच्या अचानक येणाऱ्या वादळांसाठी प्रसिद्ध आहे. सचिनला आलेला हा अनुभव त्याने सांगितला आहे.
नेमकं काय घडलं?
सचिन आणि त्याचा ग्रुप मासाई माराच्या विख्यात अभयारण्यावरून प्रवास करत असताना, त्यांना अचानक वादळाचा सामना करावा लागला. या घटनेची माहिती देताना सचिन म्हणाला, "आम्ही विमानात होतो आणि वादळ आमच्याकडे येताना दिसत होते. आम्हाला नेमके त्याच ठिकाणी उतरायचे होते जिथे आता हे वादळ आहे. आम्ही लँडिंग स्ट्रिपपासून फक्त दोन मैल दूर होतो, पण खराब हवामानामुळे आम्ही उतरू शकलो नाही."
advertisement
दोन वेळा लँडिंग रद्द
खराब हवामानामुळे पायलटला दोन वेळा लँडिंग रद्द करावे लागले. एकदा तर विमान खूप खाली आले होते. अखेर, दुसऱ्या बाजूला असलेल्या धावपट्टीवर विमान सुरक्षितपणे उतरले. पण त्यानंतरही संकट टळले नव्हते. पावसामुळे ते जंगलात अडकून पडले होते. या संपूर्ण घटनेचे वर्णन करताना सचिनने चेहऱ्यावर हसू कायम ठेवले. "आम्ही इथून निघू शकत नाही. आता आम्हाला घेण्यासाठी जीप येत आहेत," असे तो म्हणाला. गंमतीने त्याने पुढे जोडले, "जर जीप रात्री नाही आली तर... मग इथेच जंगलात राहावे लागेल."
advertisement
पाहा Video
advertisement
दरम्यान, या तणावपूर्ण परिस्थितीमध्येही सचिनच्या चेहऱ्यावरचा आनंद आणि हलकाफुलका अंदाज पाहून चाहत्यांना त्याच्या साहसी वृत्तीची पुन्हा एकदा प्रचिती आली. हा अनुभव सचिनसाठी आयुष्यभर अविस्मरणीय राहील, यात शंका नाही.
Location :
Mumbai,Maharashtra
First Published :
September 13, 2025 11:35 AM IST
मराठी बातम्या/स्पोर्ट्स/
Sachin Tendulkar : क्रिकेटचा देव संकटात! वादळी वारा अन् विमानाचं दोन वेळा लँडिंग फसलं, Video शेअर करत सांगितली आपबिती!
