Sayed Mushtaq Ali : 11 सिक्स, 9 फोर... 45 बॉलमध्ये ठोकले 125 रन, टीम इंडियाला मिळाला नवा हिटमॅन!

पुणे : आयपीएल लिलावाच्या तोंडावर भारतीय विकेट कीपरने सय्यद मुश्ताक अली ट्रॉफीमध्ये वादळी शतक ठोकलं आहे. पंजाबचा विकेट कीपर बॅटर सलिल अरोराने 39 बॉलमध्ये त्याचं शतक पूर्ण केलं, यानंतर त्याने पुढच्या 6 बॉलमध्ये तब्बल 25 रन काढले. 45 बॉलमध्ये 125 रनवर सलिल अरोरा नाबाद राहिला, या शतकी खेळीमध्ये त्याने 9 फोर आणि 11 सिक्स ठोकले. सलिल अरोराने 277.78 च्या सरासरीने रन केल्या आहेत. सलिलच्या या वादळी खेळीमुळे पंजाबने झारखंडविरुद्धच्या सामन्यात पहिले बॅटिंग करत 235/6 पर्यंत मजल मारली.