Ladki Bahin Yojana : 1500 रुपये लाभार्थी लाडक्या बहिणींची कमाल, राज्यात उभारली पहिली बॅंक, इतके पैसे जमा

अमरावती : शासनाने घेतलेल्या निर्णयानुसार महिला बचत गटांसाठी जिल्हास्तरीय पतसंस्था अमरावती जिल्ह्यात स्थापन करण्यात आली आहे. जिल्हाधिकारी आणि महिला आर्थिक विकास महामंडळाचे जिल्हा व्यवस्थापक यांच्या उपस्थितीत या संस्थेची बैठक पार पडली. तेव्हा त्यांनी सांगितले की, राज्यात जिल्हास्तरावर स्थापन केलेली अमरावती येथील पहिली लाडकी बहिणी महिला सहकारी पतसंस्था ही महाराष्ट्र राज्यातील प्रथम जिल्हास्तरीय संस्था म्हणून नोंदणीकृत झालेली आहे. राज्य शासनाच्या लाडकी बहीण योजनेनुसार पात्र बहिणींना प्रतिमाह 1500 रुपये आर्थिक सहाय्य दिले जाते. या आर्थिक सहाय्याचा परिणामकारक वापर व्हावा आणि महिलांना अधिक स्थिर आर्थिक आधार मिळावा, या उद्देशाने माविमने जिल्ह्यातील लाभार्थ्यांना एकत्रित करत ही पतसंस्था उभारली आहे.