VIDEO : ''भारताविरूद्धच्या सामन्यात आम्ही दोघांनी लपून इंजेक्शन घेतलं'', पाकिस्तानच्या दिग्गजाचा गौप्यस्फोट, क्रिकेटविश्व हादरलं!

पाकिस्तानचा दिग्गज खेळाडू आणि वेगवान गोलंदाज शोएब अख्तरने टॅपमॅड शो दरम्यान कबूल केले की खेळाडूंवर डोपिंगद्वारे दुखापती लपवण्यासाठी तीव्र दबाव होता. खेळाडू वरिष्ठ क्रिकेटपटू तसेच पाकिस्तान क्रिकेट बोर्डाच्या (पीसीबी) सदस्यांना मूर्ख बनवत होते. मनोरंजक म्हणजे सकलेन शोएबच्या शेजारी बसला होता आणि त्याने डोपिंगच्या दाव्यांना आक्षेप घेतला नाही .

1998-99 च्या पाकिस्तानच्या भारत दौऱ्यात सचिनची विकेट कोण घेईल यावर सकलेन आणि मी पैज लावली होती? असे शोएब अख्तर म्हणाला. त्यानंतर आमचे दोन्ही गुडघे आमच्यावर हार मानत होते. आम्ही स्वतःला टिकवून ठेवण्यासाठी गुप्तपणे बंदी असलेल्या गोळ्या आणि इंजेक्शन (स्टेरॉईड) घेत होतो,असा खळबळजनक गौप्यस्फोट शोएब अख्तरने केला आहे.

धक्कादायक म्हणजे, मोहम्मद आसिफ आणि शोएब अख्तर यांना नॅन्ड्रोलोन (19-नॉर्टेस्टोस्टेरॉन, एक बंदी घातलेला अॅनाबॉलिक अँड्रोजेनिक स्टिरॉइड) साठी पॉझिटिव्ह चाचणी आली. डोपिंगमध्ये पकडल्यानंतर पीसीबीने दोन्ही पाकिस्तानी वेगवान गोलंदाजांना 2006 च्या चॅम्पियन्स ट्रॉफीमधून माघार घेतली होती.

खरं तर क्रिकेट वर्तुळात अशाप्रकारे गोळ्या आणि इंजेक्शन (स्टेरॉईड) घेऊन खेळण्यावर पूर्णपणे बंदी आहे. असे असताना देखील पाकिस्तानी खेळाडू मैदानात टीकून राहण्यासाठी गोळ्या आणि इंजेक्शन घेऊन मैदानात खेळायचे. ही कबुली स्वत:हून शोएब अख्तरने लाई्व्ह टीव्हीवर दिली आहे. विशेष म्हणजे 1999 पासून आता 2026 पर्यंत जवळपास 27 वर्ष पाकिस्तानने अशाप्रकारे पुन्हा इंजेक्शन घेऊन मैदानात खेळण्याची शक्यता आहे. त्यामुळे आता आयसीसी पाकिस्तानी खेळाडूंची मेडीकल चाचणी करणार? आणि शोएब अख्तरच्या त्या व्हिडिओवरून आता आयसीसी काय कारवाई करते? हे पाहणे महत्वाचे ठरणार आहे.