T20 World Cup 2026 : भारतात टी-20 वर्ल्ड कपचा थरार, पाचही स्टेडियम ठरली, फायनल अहमदाबाद का मुंबईमध्ये होणार?

मुंबई : भारतामध्ये फेब्रुवरी-मार्च महिन्यामध्ये टी-20 वर्ल्ड कप खेळवला जाणार आहे. येत्या काही दिवसांमध्ये आयसीसी टी-20 वर्ल्ड कपच्या तारखा जाहीर करणार आहे. 7 फेब्रुवारी ते 8 मार्च दरम्यान टी-20 वर्ल्ड कप खेळवला जाईल, असं सांगण्यात येत आहे. भारतामधल्या पाच प्रमुख शहरांमध्ये स्पर्धा खेळवली जाणार असल्याचं वृत्त समोर आलं आहे. इंडियन एक्सप्रेसने दिलेल्या वृत्तानुसार बीसीसीआयच्या अधिकाऱ्यांची बैठक झाली आहे. वनडे वर्ल्ड कप 2023 मध्ये बऱ्याच ठिकाणी सामने खेळवले गेले, पण टी-20 वर्ल्ड कपच्या मॅच मात्र ठराविक शहरांमध्ये खेळवण्याचा निर्णय या बैठकीत घेतला गेला आहे.