T20 वर्ल्ड कप नाही, तर पाकिस्तानचा भारताविरुद्धच्या सामन्यावर बहिष्कार! स्पर्धेत पुन्हा खळबळजनक ट्विस्ट

मुंबई : बांगलादेशने टी-20 वर्ल्ड कपवर बहिष्कार टाकल्यानंतर आता पाकिस्तान क्रिकेट बोर्ड आयसीसीच्या विरोधात निषेधाच्या पर्यायांचा विचार करत असल्याचं वृत्त आहे. बांगलादेशने टी-20 वर्ल्ड कपमधले त्यांचे सामने भारताऐवजी श्रीलंकेमध्ये खेळवले जावेत, अशी विनंती केली होती, पण आयसीसीने बांगलादेशची ही विनंती मान्य केली नाही, त्यामुळे बांगलादेशने वर्ल्ड कपवर बहिष्कार टाकला आहे. आयसीसीच्या या निर्णयाचा निषेध म्हणून 15 फेब्रुवारीला होणाऱ्या भारताविरुद्धच्या सामन्यावर पाकिस्तान बहिष्कार टाकण्याची शक्यता आहे.