T20 मध्ये टीम इंडियाच किंग, आसपासही कुणी नाही, बॅटर, ऑलराऊंडर अन् आता बॉलरही झाला नंबर वन!

दुबई : आशिया कपमध्ये धमाकेदार कामगिरी करणाऱ्या भारतीय खेळाडूंना नव्या टी-20 क्रमवारीमध्येही चांगला फायदा झाला आहे. टी-20 क्रमवारीमध्ये भारतीय बॅटर, भारतीय ऑलराऊंडर आणि भारतीय बॉलर पहिल्या क्रमांकावर पोहोचले आहेत. मिस्ट्री स्पिनर वरुण चक्रवर्ती हा आयसीसीच्या टी-20 बॉलरच्या क्रमवारीमध्ये पहिल्या क्रमांकावर पोहोचला आहे. हा रेकॉर्ड करणारा वरुण चक्रवर्ती तिसरा भारतीय आहे. चक्रवर्तीच्या आधी जसप्रीत बुमराह आणि रवी बिष्नोई यांनी पहिल्या क्रमांकावर पोहोचण्याचा मान मिळवला होता. चक्रवर्तीने न्यूझीलंडच्या जेकब डफीला मागे टाकून पहिला क्रमांक पटकावला आहे.