पतीच्या निधनानंतर खचली नाही! 3 मुलींची आई यूट्यूब पाहून शिकली 'हे' काम, सुरू केला स्वतःचा उद्योग

2021 मध्ये प्रियंकाने एका बचत गटात सामील होऊन काम करायला सुरुवात केली. त्यानंतर त्यांनी कर्ज घेतलं आणि चप्पल बनवण्याचं मशीन खरेदी केलं. युट्यूबवर चप्पल बनवण्याचं काम शिकल्या. गेल्या पाच महिन्यांपासून प्रियंका चप्पल बनवत आहेत. चप्पल तयार झाल्या असल्या तरी, त्या विकताना अडचणी येतात. काही चप्पल दुकानदार घरी येऊनच खरेदी करतात. जे शिल्लक राहतात, ते गावात किरकोळ दरात विकले जातात. अशा प्रकारे त्या आपल्या कुटुंबाचा गाडा चालवतात.

प्रियंका सोनकर सांगतात की, 2019 मध्ये पतीच्या निधनानंतर कुटुंब चालवणं खूप कठीण होतं. 2021 मध्ये त्या गटात सामील झाल्या, जिथे त्यांनी सुमारे तीन वर्षे काम केले. त्यानंतर त्यांनी कर्ज घेतलं आणि चप्पल बनवण्याचं मशीन खरेदी केलं. युट्यूबच्या मदतीने त्यांनी चप्पल बनवण्याचं काम शिकून घेतलं. जानेवारीपासून त्यांनी काम सुरू केलं. सध्या या कामातून थोडाफारच नफा मिळतो, ज्यामुळे कसाबसा कुटुंबाचा गुजारा चालतो. सध्या चप्पल विकायला खूप अडचण येते. तरीही, दुकानदार स्वतःहून फोन करून अनेक चप्पल घरी येऊन घेऊन जातात. उरलेला माल गावातच किरकोळ दरात विकला जातो.