नोकरी गेली, पण हिंमत नाही! 'ट्रिप सेन्स'मुळे आज तो आहे फेमस 'जंगल बॉय', लोकांना दाखवतो भूताची ठिकाणं

कोरोना विषाणूने करोडो लोकांचं आयुष्य विस्कळीत केलं. अनेक दुकानं बंद झाली, अनेक जण गरीब झाले आणि अनेकांनी नोकऱ्या गमावल्या. अल्मोडा जिल्ह्यातील लोकेश सिंह काला हा अशाच लोकांपैकी होता, ज्याची नोकरी कोरोनाने हिरावून घेतली. नोकरी गेल्यानंतर तो घरी परतला. यानंतर, त्याने 2022 मध्ये स्वतःचं YouTube चॅनल सुरू केलं. अल्मोडा येथील लोकेश सिंह काला याच्या 'ट्रिप सेन्स' (Trip Sense) या YouTube चॅनलवर आज 2 लाख 22 हजार पेक्षा जास्त सबस्क्रायबर्स आहेत. त्याच्या व्हिडिओला आज लाखो व्ह्यूज मिळतात. लोकेश ट्रेकिंग आणि कॅम्पिंगचे व्हिडिओ बनवतो. तरुण पिढीतील मोठ्या संख्येने लोक त्याच्या चॅनलशी जोडले गेले आहेत. लोकांना आता लोकेश सिंह काला 'जंगल बॉय' म्हणूनही ओळखू लागले आहेत.