EMI वर खरेदी केलेल्या फोनची पेमेंट न दिल्यास वाढतील अडचणी! फोन लॉक होणार, नवा नियम

मुंबई : चीननंतर, भारतात जगात सर्वाधिक स्मार्टफोन विकले जातात. येथील लोक परवडणाऱ्या किमतीपासून ते प्रीमियम सेगमेंटपर्यंतचे फोन सहज खरेदी करतात. EMIवर फोन खरेदी करण्याचा ट्रेंडही अलिकडे वाढला आहे. कंपन्या नो-कॉस्ट ईएमआय सारख्या ऑप्शनसह त्यांचे स्मार्टफोन देखील विकत आहेत. खरंतर, यामुळे वेळेवर कर्ज न भरणाऱ्या लोकांची संख्या देखील वाढली आहे. हे लक्षात घेता, रिझर्व्ह बँक ऑफ इंडिया (आरबीआय) एक नवीन नियम आणत आहे. या अंतर्गत, जर एखाद्या ग्राहकाने वेळेवर ईएमआय भरला नाही तर कर्ज कंपनी किंवा बँक त्यांचा फोन लॉक करू शकते.