ऑनलाइन AC खरेदी करताय? आधी जाणून घ्या या गोष्टी, अन्यथा होईल पाश्चाताप 

खोलीच्या आकारानुसार योग्य टन निवडणे हे सर्वात महत्त्वाचे असते. लहान खोली(100–120 sq ft)साठी 1 टन एसी पुरेसा आहे. पण खोली दक्षिण किंवा पश्चिम दिशेत असेल तर ऊन जास्त येतं. असं असल्यास 1.5 टनचा ऑप्शन हा बेस्ट ठरू शकतो.मीडियम खोली (120–180 sq ft)साठी 1.5 चा एसी सर्वात बेस्ट राहतो. मोठ्या खोली (180 sq ft हून मोठी) साठी 2 टन किंवा त्यापेक्षा जास्त क्षमतेचा एसी निवडा. ऑनलाइन मागवताना या गोष्टी अवश्य लक्षात ठेवा.

एसीचे दोन प्रकार असतात. एक विंडो एसी आणि दुसरा स्प्लिट एसी. विंडो एसी स्वस्त असते त्याचं मेंटेनेंसही सोपं आहे. जे भाड्याच्या घरात राहतात त्यांच्यासाठी हे बेस्ट आहे कारण ते एका ठिकाणाहून दुसऱ्या ठिकाणी घेऊन जाणं सोपं असतं. तर स्प्लिट एसी दिसायला सुंदर असतात, त्याचा जास्त आवाजही येत नाही. ज्या खोल्यांना खिडक्या नाहीत, त्यांच्यासाठी हे बेस्ट आहे. कारण याचे बाहेरचे यूनिट छत किंवा बालकनीवर लावले जाते.

इन्व्हर्टर एसी वीजेची 30% ते 50% पर्यंत बचत करू शकते. कारण याचं कंप्रेसर गरजेच्या हिशोबाने आपली गती अॅडजस्ट करते. याचा दीर्घकाळ वापर सर्वात परवडणारं ऑप्शन आहे. नॉन-इन्व्हर्टर एसी हे स्वस्त असतात. पण याला वीज जास्त लागते. कारण याचं कंप्रेसर वारंवार चालू आणि बंद होतं.

एसीच्या स्टार रेटिंगवरुन ते किती वीज वाचवते हे दिसते. तुम्ही एसीचा वापर दिवसातून 5-6 तास करत असाल तर 3 स्टार एसी पुरेसा आहे. जास्त वापरासाठी 5 स्टार एसी घ्या. याची सुरुवातीची किंमत जास्त असू शकते. पण वीज बचतीमुळे हे जास्त पैसे वाचवते.

कपर कंडेनसर : नेहमी कॉपर कंडेनसरचा एसी निवडा. हा अॅल्युमीनियमच्या तुलनेत चांगली कूलिंग देतो. जास्त टिकाऊ शकतो आणि हे रिपेयर करणं सोपं असतं.

एयर फिल्टर आणि आवाज : धूळ आणि किटक रोखण्यासाठी एयर प्यूरीफायर किंवा अँटी-बॅक्टेरियिल फिल्टरचे मॉडल पाहा. सोबतच नॉइज लेव्हल अवश्य चेक करा. विशेषतः बेडरूमसाठी चेक करा.

स्टेबलायजर : वीजेच्या चढ-उतारापासून एसीचा बचाव करण्यासाठी चांगल्या स्टेबलायजरचा वापर करा.

विश्वासार्ह ब्रांड : भारतात Daikin, LG, Samsung, Voltas, आणि Panasonic सारखे ब्रांड खुप लोकप्रिय आणि विश्वासार्ह आहेत.

योग्य वेळ : उन्हाळा सुरू होण्यापूर्वी एसी खरेदी करा. अन्यथा दिवाळीच्या सेलमध्ये एसी खरेदी करा. या काळात तुम्हाला मोठं डिस्काउंट आणि चांगले ऑफर्स मिळू शकतात.