सेफ्टीसाठी फोनला बॅक कव्हर घालताय? तोच ठरेल धोक्याचा, मोबाईल होईल खराब

नवी दिल्ली : मोबाईल फोन लोकांच्या जीवनाचा अविभाज्य भाग बनले आहेत. व्हॉट्सॲप डीपी किंवा फेसबुक पोस्टवर नवीन आणि महागडा फोन खरेदी केल्याचे स्टेटस लोक ठेवतात. पण महागडा फोन घेतल्यावर त्याच्या सुरक्षेची चिंता असते, त्यामुळे लोक लगेचच चांगले दिसणारे फोन कव्हर शोधू लागतात. फोन जितका महाग असेल तितके जाड आणि सुरक्षित कव्हर घेतले जाते. या कव्हरमुळे फोन फुटण्यापासून आणि स्क्रॅचपासून सुरक्षित राहतो. पण हे फोन कव्हर उन्हाळ्यात मोबाईलसाठी घातक ठरू शकतात.