Smartphoneची स्पीड कमी झालीये? WhatsApp वर मिळेल सोल्यूशन, घ्या जाणून

व्हॉट्सॲपमध्ये अनेक उपयुक्त फीचर्स दिलेले आहेत, पण काही फीचर्स आहेत ज्यामुळे फोनचा वेग कमी होऊ शकतो. व्हॉट्सॲप फोनचे स्टोरेज खात राहते, त्यामुळे स्टोरेज भरल्यावर फोन स्लो व्हायला लागतो.

तुम्ही स्टोरेज आणि डेटावर जाऊन वैयक्तिक चॅट्स उघडून देखील डेटा हटवू शकता. डिलीट केल्यानंतर, तुमच्या लक्षात येईल की, स्टोरेज फ्री होण्यास मदत झाली आहे आणि फोनचा वेगही सुधारेल.

याशिवाय WhatsApp मध्ये एक फीचर देखील आहे. जे फोनचे स्टोरेज भरत राहते आणि या फीचरचे नाव आहे Media Visibility. जर हे फीचर तुमच्या व्हॉट्सॲपमध्ये चालू असेल, तर तुम्हाला व्हॉट्सॲपवर जे काही रिसिव्ह होईल ते तुमच्या फोनच्या गॅलरीमध्ये सेव्ह होईल, असे झाल्यास फोनचे स्टोरेज भरू लागेल आणि फोन स्लो होईल.

तुम्ही इंडीव्हिज्युअल आणि ग्रुप चॅटसाठी हे फीचर बंद करू शकता. पर्सनल चॅट ओपन करा आणि नंतर थ्री डॉटवर टॅप करून कॉन्टॅक्टमध्ये जा. येथे तुम्हाला मीडिया व्हिजिबिलिटी ऑप्शन दिसेल. तुम्ही हे फीचर इथून बंद करू शकता, ग्रुप चॅटसाठीही तुम्ही हीच प्रोसेस फॉलो करू शकता.