Vodafone Idea चा सुरक्षा कवच! फ्रॉड आणि सायबर अटॅकपासून वाचवेल Vi Protect
- Published by:Mohini Vaishnav
Last Updated:
व्होडाफोन आयडिया (Vi) ने India Mobile Congress 2025 मध्ये Vi प्रोटेक्ट लाँच केले. हे AI-पॉवर्ड स्पॅम डिटेक्शन आणि सायबर डिफेन्स सिस्टमद्वारे यूझर्सना फसवणूक आणि सायबर गुन्ह्यांपासून संरक्षण देईल. व्ही ने 60 कोटीहून अधिक स्पॅम कॉल आणि मेसेजेस फ्लॅग केल्याचा दावा केला आहे, ज्यामुळे यूझर्सना मजबूत संरक्षण मिळेल.
मुंबई : Airtel प्रमाणेच, Vodafone Idea (Vi) ने देखील यूझर्सच्या सुरक्षिततेसाठी एक मोठे पाऊल उचलले आहे. कंपनीने India Mobile Congress 2025 मध्ये Vi Protect लाँच केले. या उपक्रमाद्वारे, कंपनी स्पॅम आणि सायबर गुन्ह्यांच्या वाढत्या धोक्यापासून यूझर्सचे संरक्षण करण्याचे उद्दिष्ट ठेवते. कंपनी एआय-आधारित व्हॉइस स्पॅम डिटेक्शन सिस्टम आणि एआय सायबर डिफेन्स आणि इन्व्हिडंट रिस्पॉन्स सिस्टमद्वारे संरक्षण प्रदान करेल. स्पॅम डिटेक्शन रिअल टाइममध्ये फसवे कॉल ओळखेल, तर नेटवर्क डिफेन्स सिस्टम कंपनीच्या नेटवर्क आणि एंटरप्राइझ ऑपरेशन्सना संभाव्य सायबर हल्ल्यांपासून संरक्षण करण्यास सक्षम आहे.
Vi Voice Spam Detection System कसे काम करते?
ही सिस्टम वेब क्रॉलर्स, एआय मॉडेल्स आणि यूझर फीडबॅक वापरून रिअल टाइममध्ये फसवणूक आणि स्पॅम कॉल ओळखण्यास सक्षम आहे. जेव्हा एखाद्या Vi यूझरला अनोळखी नंबरवरून कॉल येतो तेव्हा कॉल स्क्रीनवर "Suspected Spam" अलर्ट दाखवेल.
याचा अर्थ असा की कॉलला उत्तर देण्यापूर्वीच तुम्हाला कॉलला उत्तर द्यायचे की नाही हे कळेल. Vi Protect प्रोग्राममध्ये फसव्या टेक्स्ट मेसेजेस शोधण्यासाठी आणि फ्लॅग करण्यासाठी व्हॉइस स्पॅम डिटेक्शन सिस्टम समाविष्ट आहे. ते एक आंतरराष्ट्रीय कॉलिंग डिस्प्ले फीचर देखील देते जे बनावट आंतरराष्ट्रीय कॉल्स शोधू शकते.
व्होडाफोन आयडिया (Vi) चा दावा आहे की, त्यांच्या सुरक्षा सिस्टमने 60कोटीहून अधिक स्पॅम आणि स्कॅम कॉल्स आणि मेसेजेस फ्लॅग केले आहेत. कंपनी लवकरच एक रिअल-टाइम URL प्रोटेक्शन फीचर सादर करणार आहे जे फिशिंग प्रयत्न आणि मालवेअर टाळण्यासाठी संशयास्पद लिंक्स स्कॅन आणि ब्लॉक करेल.
Vi Cyber Defense and Incident Response System? कसे काम करते?
advertisement
ही प्रणाली कंपनीच्या कोर नेटवर्क आणि एंटरप्राइझ ऑपरेशन्सचे संरक्षण करण्यासाठी डिझाइन केलेली आहे. ही प्रणाली जनरेटिव्ह एआय मॉडेल्सच्या मदतीने एका तासापेक्षा कमी वेळात सायबर धोके शोधू शकते, विश्लेषण करू शकते आणि निष्क्रिय करू शकते.
Location :
Mumbai,Maharashtra
First Published :
Oct 09, 2025 5:24 PM IST
