Crime News : सूनसान रात्र अन् कुटुंबांचा आक्रोश! भिवंडीत एकामागोमाग एक घडलेल्या घटनांनी खळबळ; काय घडलं नेमकं?

पहिल्या घटना ही भिवंडीतील कळेशी परिसरातील आहे. या परिसरात आरती महेश प्रजापती या वास्तव्यास आहेत. त्या रात्री घराच्या उघड्या खिडकीतून एका अज्ञात चोरट्याने प्रवेश केला आणि घरातील मोबाईल, चांदीची चैन तसेच रोख रक्कम असा तब्बल 25 हजार 500 रुपयांचा मुद्देमाल चोरुन नेला आहे. आरती यांच्या सर्व घटना उघडकीस आल्यावर त्यांनी नारपोली पोलिस ठाण्यात अज्ञात आरोपीविरोद्धात गुन्हा दाखल केला आहे.

तर दुसरी घटनाही याच शहरातील आहे. चोरट्यांनी नियोजन करुन योग्य संधी साधत कंपनीच्या मागील बाजूस असलेल्या इमर्जन्सी एक्झिट जिन्याचा वापर केला. त्यानंतर दुसऱ्या मजल्यावरील खिडकीचे ग्रील तोडून त्यांनी कंपनीत प्रवेश केला. या कंपनीच्या लॉकरमध्ये असलेले तब्बल 1 लाख 20 हजरांची रोख रक्कम चोरुन नेली.