कडाक्याची थंडी, रड रड रडला अन् भुके वाचून जीव सोडला, दृश्य पाहून गावकरीही सुन्न

पालघर जिल्ह्याच्या विविध भागांत गेल्या काही वर्षांमध्ये नवजात शिशूंना सार्वजनिक ठिकाणी किंवा कचऱ्याच्या ढिगाऱ्यात सोडून देण्याच्या घटनांमध्ये वाढ झाल्याचं दिसून येत आहे. दोन आठवड्यांपूर्वीच पालघर रेल्वे स्थानकावरही एक दिवसाचे अर्भक आढळून आलं होतं, ज्याला पोलिसांनी जीवदान दिलं. आई-वडिलांना नको असलेल्या या नवजात अर्भकांना अनेकदा निर्जन भागात, कचरा जमा होण्याच्या ठिकाणी किंवा झुडपांमध्ये टाकले जाते. यामुळे पोलिसांना आरोपींचा शोध घेणे आणि पुरावे जमा करणे हे एक मोठे आव्हान ठरत आहे.