Free Bus Service : मुंब्रा स्थानक ते शिळफाटा प्रवास आता पूर्णपणे मोफत; कुणाला फायदा?

रमजानमध्ये संध्याकाळी इफ्तारच्या वेळी अनेक जण कामावरून किंवा प्रवासातून परतत असतात. रेल्वे आणि रस्त्यावरील गर्दीमुळे घरी पोहोचण्यास उशीर होतो. ही अडचण लक्षात घेऊन ही मोफत बससेवा उपलब्ध करून देण्यात आली आहे. त्यामुळे प्रवाशांना सुरक्षित आणि वेळेवर घरी पोहोचणे शक्य होत आहे.

या उपक्रमाच्या उद्घाटनप्रसंगी नगरसेवक शानू पठाण, यासिन कुरेशी, नगरसेविका मनीषा भगत तसेच मुंब्रा-कळवा विधानसभा क्षेत्राचे अध्यक्ष शमिम खान उपस्थित होते. आमदार जितेंद्र आव्हाड यांच्या मार्गदर्शनाखाली गेल्या 18 वर्षांपासून ही सेवा सुरू असल्याची माहिती आयोजकांनी दिली.