पालघरच्या तलासरीत गुजरातच्या घुसखोरीचा आरोप, दोन्ही राज्यांकडून संयुक्त सीमा मोजणी सुरू

राहुल पाटील, प्रतिनिधी पालघर: महाराष्ट्र-गुजरात सीमाभागात असलेला वाद पुन्हा एकदा चर्चेत आला आहे. पालघर जिल्ह्याच्या तलासरी तालुक्यातील वेवजी ग्रामपंचायत हद्दीत गुजरात राज्याकडून 'घुसखोरी' सुरू असल्याचा आरोप यापूर्वी स्थानिक नागरिकांनी केला होता. या गंभीर आरोपांच्या पार्श्वभूमीवर आज महाराष्ट्र आणि गुजरात राज्याच्या प्रशासनाकडून वेवजी येथे संयुक्त सीमा निश्चिती मोजणीला सुरुवात करण्यात आली आहे.