कायको आँख मै मिर्ची डाल रही है... शेजारच्या महिलेला 'मम्मा' म्हटल्याने मुलीच्या डोळ्यात मिरची पावडर टाकली

ठाणे : जिथे लहान मुलांचे बोबडे बोल ऐकून आनंद व्हायला हवा, तिथे त्याच बोलांमुळे एका तीन वर्षांच्या निरागस चिमुकलीला नरकयातना भोगाव्या लागल्याची धक्कादायक घटना कल्याणमध्ये उघडकीस आली आहे. कल्याणमधील बैलबाजार परिसरातील झंकार मोहल्ला येथे एका महिलेने आपल्याच दत्तक घेतलेल्या तीन वर्षाच्या मुलीला अमानुषपणे मारहाण केली. इतकेच नव्हे, तर या नराधम महिलेने चिमुकलीच्या डोळ्यांत आणि जिभेवर मिरचीची पूड टाकून तिला एका खोलीत डांबल्याचा संतापजनक प्रकार समोर आला आहे. या घटनेचा व्हिडीओ व्हायरल झाला आहे.