Thane: '...नाहीतर विरोधी बाकावर बसू', एकनाथ शिंदेंच्या बालेकिल्ल्यात भाजपचा नवा डाव

अजित मांढरे, प्रतिनिधी ठाणे: मुंबई महानगरपालिकेत महापौर पदावरुन घमासान सुरू आहे. उद्धव ठाकरेंशी देखील मुख्यमंत्री फडणवीस चर्चा करत असल्याची सूत्रांकडून माहिती मिळाली आहे. तर एकनाथ शिंदे यांच्या बालेकिल्ल्यात ठाण्यात चक्क महापौर पदासाठी भाजपने दावा केला आहे. भाजप नेत्याने चक्क केडीएमसी, उल्हासनगर आणि ठाण्यातील महापौर पदावर दावा केल्याची माहिती मिळाली आहे. ठाण्यात भाजपचे 28 तर सेनेचे 75 नगरसेवक निवडून आले आहेत. ठाण्यात जागा वाटापाबाबत भाजपने माघात घेतली होती, त्यामुळे आता महापौरपद हे भाजपकडे द्यावं अशी मागणी केली जात आहे.