Thane : ठाण्यातून थेट अष्टवियानक, पंढरपूर अन् अक्कलकोट दर्शन; कधी जाणार बस, पाहा संपूर्ण वेळापत्रक
Last Updated:
ST Bus Tour : नाताळच्या सुट्टीत प्रवाशांना देवदर्शनाचा लाभ मिळावा यासाठी ठाणे एसटी विभागाने अष्टविनायकसह विविध देवस्थानांच्या विशेष पॅकेज टूरची घोषणा केली आहे.
ठाणे : अवघ्या काही दिवसांवर नाताळ सण आलेला आहे. नाताळ आल्याने अनेकजण फिरण्याचा प्लान करत असतात जर तुम्हीही या सुट्टीला कुठे फिरायला जाण्याचे ठरवत आहे तर ही बातमी तुमच्यासाठी कारण या नाताळच्या सुट्टी प्रवाशांना जर देवदर्शन किंवा अन्य ठिकाणी जायचे आहे तर यासाठी ठाणे एसटी विभागाने विशेष पॅकेज टूरची तयारी केली आहे. महाराष्ट्र राज्य मार्ग परिवहन महामंडळाकडून अष्टविनायक दर्शनासह विविध देवस्थानांच्या सहली आयोजित करण्यात येणार आहेत. यासाठी तुम्हाला ऑनलाईन तिकीटबुक करता येणार आहे.
एसटी महामंडळाची मोठी घोषणा
एसटी महामंडळ दरवर्षी उन्हाळी सुट्टी, दिवाळी आणि इतर सणांच्या काळात प्रवाशांसाठी विविध योजना राबवत असते. आता पुन्हा एकदा नाताळच्या सुट्टीत लालपरीप्रवाशांना देवदर्शन घडवणार आहे. या पॅकेज टूरमध्ये प्रवासाचा खर्च समाविष्ट असून राहणे आणि जेवणाचा खर्च प्रवाशांना स्वतः करावा लागणार आहे. तिकीट दरात शासनाच्या नियमानुसार सर्व सवलती लागू राहणार आहेत.
advertisement
'कल्पना तुमची, नियोजन आमचे' या उपक्रमांतर्गत ग्रुप बुकिंगची सुविधाही देण्यात आली आहे. महिला बचतगट, संस्था किंवा कुटुंबीयांसाठी थेट त्यांच्या ठिकाणाहून बस उपलब्ध करून दिली जाणार आहे.
ठाण्यातून थेट बस कधी सुटणार ते पाहा
ठाणे आगार क्रमांक 1 येथून अष्टविनायक दर्शनाची सहल आयोजित करण्यात आली आहे. ही बस 27 डिसेंबर रोजी सकाळी 6 वाजता ठाणे खोपट आगारातून सुटणार असून पाली येथे रात्री मुक्काम असेल. 28 डिसेंबर रोजी सायंकाळी 7 वाजता परतीचा प्रवास सुरू होऊन रात्री ठाण्यात आगमन होणार आहे. यासाठी तिकीट दर 1,323 रुपये प्रति व्यक्ती असून हाफ तिकीट 664 रुपये आहे.
advertisement
तसेच ठाणे आगार क्रमांक 2 येथून पंढरपूर, अक्कलकोट आणि तुळजापूर देवदर्शनाची सहल 25 डिसेंबर रोजी पहाटे 5 वाजता निघणार आहे. परतीचा प्रवास 27 डिसेंबरला असेल यासाठी तिकीट दर 2,036 रुपये प्रति व्यक्ती आणि अर्थ तिकीट 1,021 रुपये आहे.
Location :
Mumbai,Maharashtra
First Published :
Dec 18, 2025 8:54 AM IST
मराठी बातम्या/ठाणे/
Thane : ठाण्यातून थेट अष्टवियानक, पंढरपूर अन् अक्कलकोट दर्शन; कधी जाणार बस, पाहा संपूर्ण वेळापत्रक
