Mahavistar App: शेतात काय पेरायचं, कधी विकायचं? शेतकऱ्यांना महाविस्तार ॲप सांगणार संपूर्ण माहिती

छत्रपती संभाजीनगर: कृषी विभागाने शेतकऱ्यांसाठी महाविस्तार हे एआय ॲप राज्यभर सुरू केले आहे. त्यात शेती विषयक, हवामानासंदर्भात माहिती, पीकविषयी सल्ला, पिकांना द्याव्या लागणाऱ्या खतांच्या मात्रांचा अंदाज आणि कीडरोगांविषयी माहितीसह बाजारभाव पाहण्याची सुविधा आहे. महाविस्तार ॲप कृत्रिम बुद्धिमत्तेवर आधारित आहे. त्यात शेतकऱ्यांसाठी मराठी भाषेतील चॅटबॉट देण्यात आला आहे. या चॅटबॉटला शेतकरी प्रश्न विचारू शकतात. त्यामुळे शेती कामात निश्चित मदत होणार आहे.