24 वर्षाच्या तरुणाची कमाल, 4 हजार पुस्तकांसह सुरू केला अनोखा बुक कॅफे, काय आहे खास?

मुंबई : मुंबईसारख्या धकाधकीच्या शहरात पुस्तकांच्या सान्निध्यात शांत बसायला जागा शोधणं आजही अनेकांसाठी आव्हानच असतं. पण रुपारेल कॉलेजच्या शेजारी अवघ्या 24 वर्षांच्या नितीन राकेश नाई तरुणाने सुरू केलेले बुक कॅफे हे त्या सर्वांसाठी एक अनोखं आणि आकर्षक ठिकाण ठरत आहे. विशेष म्हणजे इथे 100–200 नव्हे तर तब्बल 4 हजारांहून अधिक पुस्तके वाचकांसाठी उपलब्ध करून देण्यात आली आहेत.